ભચાઉ ખાતે આવેલ લાકડિયામાંથી 10 હજારની રોકડ સાથે છ જુગારપ્રેમીઓ ઝડપાયા

ભચાઉ ખાતે આવેલ લાકડિયામાંથી 10 હજારની રોકડ સાથે છ શખ્સોને પોલીસે ઝડપી પાડ્યા છે. આ મામલે સૂત્રો દ્વારા મળેલ માહિતી અનુસાર  ભચાઉ ખાતે આવેલ લાકડિયાના ગામના  મફતપરાવાસમાં નદીના પટમાં  જાહેરમાં અમુક શખ્સો જુગાર રમી રહ્યા હતા તે દરમ્યાન અચાનક આવેલી પોલીસે છ ખેલીઓને રંગે હાથ ઝડપી પાડ્યા હતા. પોલીસે પકડાયેલ જુગારપ્રેમીઓ પાસેથી કુલ રૂ.10,350 હસ્તગત કર્યા હતા. પોલીસે પકડાયેલ ખેલીઓ વિરુદ્ધ જુગારધારાની કલમો હેઠળ ગુનો નોંધી આગળની વધુ તપાસ હાથ ધરી છે.