અંજાર નજીક આવેલ કેમો સ્ટીલ કંપનીમાં આગની જવાળાઓ ફાટી નીકળતા દુર્ઘટના બની : 10 લોકો ગંભીર રીતે થયા ઘાયલ

અંજાર નજીક આવેલ કેમો સ્ટીલ કંપનીમાં આગની જવાળાઓ ફાટી નીકળતા ભારે ધોડદામ મચી હતી. જેમાં કેટલાક લોકો ગંભીર રીતે દાજી ગયા છે. આ મામલે સૂત્રો દ્વારા માહિતી મળી રહી છે કે, અંજાર વિસ્તારમાં આવેલી કેમો સ્ટીલ કંપનીની ભઠ્ઠી ઉભરાઈ જતા 10 જેટલા લોકો ગંભીર રીતે દાઝ્યાં હતા. મળેલ માહિતી મુજબ આ કંપનીમાં અચાનક ભઠ્ઠી ઉભરાઈ જતા ભારે અફરાતફરી મચી હતી. ઉપરાંત એક મજૂરે પોતાનો જીવ બચાવવા માટે કંપનીના ઉપરના માળેથી છલાંગ મારી દીધી હતી. વધુમાં સૂત્રો દ્વારા જણાઈ રહ્યું છે કે આ કંપનીમાં સ્ટીલ પિગળાવતી વખતે આ ઘટનાં બની હતી. ગરમ સ્ટીલ બહાર આવી જતાં મજૂરોનાં ગંભીર રીતે દાઝ્યા હતા. આ આગના બનાવમાં ચારની હાલત અત્યંત નાજુક હોવાના કારણે અમદાવાદ ખાનગી હોસ્પિટલમાં લઈ જાવાયા છે. જ્યારે અન્ય છ લોકોને સારવાર અર્થે સ્થાનિક ખાનગી હોસ્પિટલ લઈ જવામાં આવેલ છે. આ મામલે પોલીસે અગલને વધુ તપાસ શરૂ કરી દીધી છે તેવું જણાઈ રહ્યું છે.