ભચાઉ નજીક આવેલ એક કંપનીમાં અચાનક આગની જ્વાળાઓ ફાટી નીકળતા ભારે દોડધામ મચી  

સૂત્રો દ્વારા માહિતી મળી રહી છે કે, ભચાઉ નજીક આવેલ એક કંપનીમાં અચાનક આગની જ્વાળાઓ ફાટી નીકળી હતી. આ બનાવના પગલે ભારે દોડધામ મચી હતી. આ બનાવ ગત તા.15/1ના સવારના અરસામાં બન્યો હતો. મળતી માહિતી મુજબ ભચાઉ નજીક આવેલ અંકુર ફેક્ટરીમાં એક પાઇપ લાઇનમાંથી ઓઇલનું વહન થાય છે. જેના કારણે પાઇપ ગરમ થતાં લીકેજ થઇ હતી ત્યાર બાદ આ લીકેજનાના આગ ફાટી નીકળતા કંપનીના કામદારોમાં ભારે દોડધામ મચી  હતી.  આ આગના બનાવમાં રૂા. 20 લાખનું નુકસાન થયું હોવાની સંભાવના વ્યક્ત કરવામાં આવી રહી છે.  આ મામલે પોલીસ મથકે જાણ કરવામાં આવતા પોલીસે આગળની વધુ તપાસ હાથ ધરી છે.