અંજાર ખાતે આવેલ રતનાલમાંથી 2.43 લાખના મુદ્દામાલ સાથે દસ જુગારપ્રેમીઓ ઝડપાયા
copy image
અંજાર ખાતે આવેલ રતનાલમાં જાહેરમાં જુગાર રમતા 10 ઈશમોને 52 હજારની રોકડ સાથે પોલીસે ઝડપી પાડ્યા છે. આ મામલે સૂત્રો દ્વારા મળેલ માહિતી અનુસાર પોલિસને ખાનગી રાહે બાતમી મળેલ હતી કે, અંજાર ખાતે આવેલ રતનાલ ગામના કંકેશ્વર મહાદેવ મંદિરની નજીક આવેલ બાવળની ઝાડીઓમાં અમુક ઈશમો જુગાર રમી રહ્યા છે. મળેલ બાતમીના આધારે પોલીસે હકીકત વાળી જગ્યાએ દરોડો પાડી જુગાર રમતા 10 ખેલીઓને ઝડપી પાડ્યા હતા. પ્રાપ્ત વિગતો મુજબ પોલીસે પકડાયેલ ઈશમો પાસેથી રોકડ રૂ.52000 સહિત કુલ રૂા. 2,43,000નો મુદ્દામાલ કબ્જે કર્યો હતો.પોલીસે તમામ મુદ્દામાલ કબ્જે કરી પકડાયેલ ખેલીઓ વિરુદ્ધ જુગારધારાની કલમો હેઠળ ગુનો નોંધી આગળની વધુ તપાસ હાથ ધરી છે.
