ભચાઉ ખાતે આવેલ લગધીર ગઢના એક રહેણાંક મકાનમાંથી 69 હજારના દારૂ સાથે એક શખ્સ પોલીસના સકંજામાં

ભચાઉ ખાતે આવેલ લગધીર ગઢના એક રહેણાંક મકાનમાંથી 69,600ના અંગ્રેજી શરાબ સાથે એક શખ્સને ઝડપી પાડવામાં આવેલ હતો. આ મામલે સૂત્રો દ્વારા મળેલ માહિતી અનુસાર પોલીસને ખાનગી રાહે બાતમી મળેલ હતી કે, ભચાઉ તાલુકાનાં લગધીર ગઢ ગામમાં આવેલ પ્રાથમિક શાળાની પાછળ કોળી  વાસમાં રહેનાર અજય કરશન કોળી નામના  શખ્સે મકાનમાં  વેચાણ અર્થે દારૂ  છુપાવીને રાખેલ છે.મળેલ બાતમીના આધારે પોલીસે કાર્યવાહી હાથ ધરી અને હકીકત વાળી જગ્યાએ દરોડો પાડી આ મકાનની તપાસ હાથ ધરી હતી. હાથ ધરવામાં આવેલ કાર્યવાહી દરમ્યાન પોલીસે  69,600નો દારૂ ઝડપી પાડ્યો હતો. પોલીસે તમામ મુદ્દમાલ કબ્જે કરી આરોપી શખ્સની અટક કરી હતી અને આ મામલે આગળની વધુ કાયદેસરની કાર્યવાહ હાથ ધરવામાં આવી છે.