તામિલનાડુના વિરુધુનગરમાં ફટાકડાની ફેક્ટરીમાં થયો બ્લાસ્ટ : નવનાં મોત અનેક ઘાયલ

  તામિલનાડુના વિરુધુનગર જિલ્લામાં ફટાકડાની ફેક્ટરીમાં બ્લાસ્ટ થતાં નવ લોકોના મોત થયા હોવાનો ચકચારી મામલો સામે આવી રહ્યો છે ત્યારે, આ બનાવ અંગે પ્રાપ્ત થતી વિગતો મુજબ તામિલનાડુના વિરુધુનગર જિલ્લામાં  ફટાકડાની ફેક્ટરીમાં બ્લાસ્ટ થયો હતો જેમાં નવ વ્યક્તિ મોતના ઘાટ ઉતરી ગયા હતા તેમજ અનેક લોકો ઘાયલ થયા હતા. આ ભયંકર બ્લાસ્ટના કારણે નજીકની  ચાર ઈમારત પણ ધ્વસ્ત થઈ   હતી.   સૂત્રો દ્વારા જણાઈ રહ્યું છે કે, બનાવની જાણ થતાં જ  પોલીસ અને ફોરેન્સિક વિભાગની એક ટીમ ઘટનાસ્થળે દોડી ગઈ હતી. આ બનાવમાં ઇજાગ્રસ્ત થયેલ  ઘાયલોને સ્થાનિક હોસ્પિટલે ખસેડવામાં આવેલ હતા.  જાણવા મળી રહ્યું છે કે, આ ભયજનક ઘટનામાં સાત વ્યક્તિનાં ઘટનાસ્થળે મોત નિપજ્યાં હતાં જ્યારે બે વ્યક્તિઓના  હોસ્પિટલ ખસેડાતી વખતે જીવ ગયા હતા.