માંડવી ખાતે આવેલ નાની ખાખરમાંથી 70 હજારના દારૂ સાથે એક શખ્સને પોલીસના સકંજામાં

માંડવી ખાતે આવેલ નાની ખાખરમાંથી 70 હજારના દારૂ સાથે એક શખ્સને પોલીસે ઝડપી પાડ્યો છે. આ મામલે સૂત્રો દ્વારા મળેલ માહિતી અનુસાર માંડવી ખાતે આવેલ નાની ખાખરના એક  વાડામાં એલસીબીની ટીમે દરોડો પાડી રૂા. 69,600ના શરાબ સાથે એક ઈશમને પકડ્યો હતો.   જ્યારે માલ આપનારમાં ત્રગડીના ઇસમની સંડોવણી સામી આવી છે.પ્રાપ્ત વિગતો મુજબ ગત દિવસે રાતના સમયે એલસીબીની ટીમ પેટ્રોલિંગમાં હતી, તે દરમ્યાન તેમને ખાનગી રાહે બાતમી મળેલ હતી કે, માંડવી ખાતે આવેલ નાની ખાખરના શખ્સે પોતાના કબ્જાના વાળામાં ભારતીય બનાવટનો  અંગ્રેજી  પ્રકારનો શરાબનો જથ્થો વેચાણ અર્થે રાખેલ છે. મળેલ બાતમીનાં પગલે એલસીબીની ટીમએ બાતમી વાળા સ્થળ પર દરોડો દરોડો પાડી 69,600ની 60 શરાબની બોટલ  કબ્જે કરી હતી. પ્રાપ્ત વિગતો મુજબ પોલીસે દારૂ સહિત કુલ 74,600ના મુદ્દામાલ સાથે  આરોપી શખ્સની અટક કરી હતી. આ મામલે આગળની વધુ કાયદેસરની કાર્યવાહી હાથ ધરવામાં આવી છે.