ભુજ તાલુકાના માધાપરમાં સરકારી જમીન પર મંજૂરી વગર બાંધકામની ફરિયાદ

ભુજ તાલુકાના માધાપર ગામે નવાવાસ ગ્રામ પંચાયતની હદના વિસ્તારમાં સરકારી જમીન ઉપર મંજૂરી વગર હોટેલ  અને શોપિંગ કોમ્પલેક્સનું નિર્માણ થઇ રહ્યા હોવાના આરોપ સાથે આ બાબતે ઉચ્ચ સ્તરે ફરિયાદ-અરજી અપાઇ હતી.  ભુજના મહેશ ઇશ્વરલાલ પંડયાએ સામાજિક કાર્યકરની રૂએ સમાહર્તાને આ લેખિત અરજી કરી જવાબદારો સામે કાયદાકીય કાર્યવાહી કરવાની માગણી કરી હતી. અરજીમાં તેમના આક્ષેપ મુજબ પૂર્ણતાના આરે પહોંચી રહેલાં આ બાંધકામ માટે ગ્રામ પંચાયતની મંજૂરી લેવાઇ નથી અને આ જમીન પણ સરકારી હોવાનું તેમણે ઉમેર્યું હતું.