કોટડા (જ.)માં વૃદ્ધાની તળાવમાં તરતી લાશ મળી

નખત્રાણા તાલુકાના કોટડા(જ)ના તળાવમાંથી ૮૦ વર્ષીય વૃદ્ધાનો મૃતદેહ મળી આવ્યો હતો. પ્રાપ્ત માહિતી મુજબ કોટડા(જ) ગામના ધનબાઈ દાનાભાઇ ભદુ (ઉ.વ.૮૦) તા.૧૪ના વારે ૯:૩૦ વાગ્યાના અરસામાં કોઈ ને પણ કંઈપણ કહ્યા વિના ઘરેથી ચાલયા ગયા હતા જેમની પરિવારજનો દ્વારા શોધખોળ હાથ ધરવામાં આવી હતી. આ દરમ્યાન તા.૧૫ના સવારે ૮ વાગ્યાના અરસામાં ગામના ભોદ્રાઇ તળાવમાં તરતી લાશ મળી આવી હતી. તેથી પોલીસને જાણ કરીને લાશને પોસ્ટમોર્ટમ માટે મોકલવા સહિતની કાર્યવાહી હાથ ધરવામાં આવી હતી.