અંજારમાં ગાડીમાંથી 2.54 લાખના દારૂના જથ્થા સાથે એકની ધરપકડ

ગાંધીધામમાં  ગાડીમાંથી પોલીસે  રૂા. 2.54,400ની કિંમતના અંગેજી દારૂના જથ્થા સાથે એક આરોપીની અટક  કરી હતી. પોલીસને પેટ્રોલિંગ દરમ્યાન   ગંગાનાકાથી  વરસામેડી રેલવે ફાટક તરફ જતા માર્ગ ઉપર ગાડીમાં દારૂની હેરફેર થવાની બાતમી  મળી હતી. પોલીસે આ માર્ગ ઉપર ઝોટા સાહેબના દવાખાના પાસે ફોર્ચ્યુનર ગાડીને રોકાવીને તપાસ હાથ ધરી હતી. દરમ્યાન તેમાંથી  ભારતીય બનાવટની વિદેશી દારૂના 180 એમ.એલ.ના ક્વાર્ટર નંગ 1152, કિં. રૂા. 1,15,200, દારૂની બોટલ નં. 240 કિં. રૂા. 96 હજાર, બિયર ટીન નં. 432 કિં. રૂા. 43,200નો મુદ્દામાલ મળી આવ્યો હતો. આ કાર્યવાહીમાં વાહનચાલક આરોપી બાબુ ઉર્ફે રમેશ માધાભાઈ ભરવાડની બે મોબાઈલ ફોન કિં. રૂા. 17 હજાર, 10 લાખની કિંમતના વાહન સાથે કુલ રૂા. 12,71,400ના મુદ્દામાલ સાથે ધરપકડ થઈ હતી. પકડાયેલા આરોપીની પૂછપરછમાં આ પ્રકરણમાં  અન્ય  આરોપી પુના ભાણા ભરવાડ, રામા વજા ભરવાડ અને વિજય ઉર્ફે વીકી કાપડીનાં નામ ખૂલ્યાં હતાં.  આ પ્રકરણમાં સામેલ આરોપીને  પકડી પાડવાની દિશામાં પોલીસે વધુ તપાસ હાથ ધરી હતી.