અંજારના વરસાણા નજીકથી બોગસ ડોક્ટર દબોચાયો

અંજાર ખાતે આવેલ વરસાણા નજીકથી પોલીસે એક બોગસ ડોક્ટરને ઝડપી પાડ્યો હતો. આ મામલે સૂત્રો દ્વારા મળતી માહિતી અનુસાર અંજાર તાલુકાનાં વરસાણા નજીક આશાપુરા રોડવેઝ નજીક  એક દુકાનમાં બેસીને આ શખ્સ લોકોના સ્વાસ્થ્ય સાથે છેડા કરી રહ્યો હતો. ત્યારે આ બાબતે જાણ થતાં પોલીસે આ સ્થળ પર કાર્યવાહી હાથ ધરી હતી અને આરોપી શખ્સને રંગે હાથ દબોચી લીધો હતો.  મેડિકલ કાઉન્સિલના પ્રમાણપત્ર કે તબીબની ડિગ્રી વગર લોકોને એલોપેથી દવા આપનાર આ શખ્સ પાસેથી ડોકટરીના અનેક સાધનો હસ્તગત કરવામાં આવેલ છે. પોલીસે ફરઝી ડોક્ટરની અટક કરી આગળની વધુ તપાસ હાથ ધરી છે.