ભીમાસરની કંપનીમાં સુરક્ષા કર્મી તરીકે કામ કરતા આધેડને બંદુક તથા કાર્ટીસ સાથે ઝડપી પાડવામાં આવ્યો
copy image
અંજાર ખાતે આવેલ ભીમાસરની કંપનીમાં સુરક્ષા કર્મી તરીકે કામ કરતા આધેડને બંદુક તથા કાર્ટીસ સાથે ઝડપી પાડવામાં આવેલ હતો. આ મામલે સૂત્રો દ્વારા પ્રાપ્ત થતી વિગતો મુજબ અંજાર ખાતે આવેલ ભીમાસરમાં આવેલી પાવરગ્રીડ કોર્પોરેશન ઓફ ઇન્ડિયા લિમિટેડ કંપનીમાં પોલીસ દ્વારા આ કાર્યવાહી હાથ ધરવામાં આવી હતી. જાણવા મળી રહ્યું છે કે, હાથ ધરવામાં આવેલ કાર્યવાહી દરમ્યાન અનિલ ચાવલા સિકયુરીટી એજન્સી થકી આ કંપનીમાં ગન મેન તરીકે કામ કરતાં ગુરમેલસિંઘ હાકમસિંઘની પુછપરછ કરવામાં આવી હતી. બંદુકનો પરવાનો ધરાવતા આ આધેડ સ્થાનિક સતાધિકારી સમક્ષ નોંધ કરાવી ન હતી. આ ગનમેનની અટક કરી તેમની પાસેથી એક બંદુક તથા 10 જીવતા કારતુસ કબ્જે કરવામાં આવેલ હતા. પોલીસે તમામ મુદ્દામાલ કબ્જે કરી આગળની વધુ કાયદેસરની કાર્યવાહી હાથ ધરી છે.
