આદિપુરની બજારમાં આગ ભભૂકી ઉઠતાં ત્રણ કેબિન બળીને ભશ્મ થઈ
copy image
આદિપુરની બજારમાં આગ ભભૂકી ઉઠતાં ત્રણ કેબિન બળીને ભશ્મ થઈ હતી. આ મામલે સૂત્રો દ્વારા પ્રાપ્ત થતી વિગતો મુજબ આદિપુરમાં આવેલ 80 બજાર સામે આવેલી કેબિનોની લાઈનમાં જૂની ટી.સી.પી.સી. દીવાલ નજીક લાકડાંની છ કેબિનમાં આગની જ્વાળાઓ ફાટી નીકળી હતી. કોઈ કારણોસર વહેલી સવારના અરસામાં આ કેબીનોમાં આગ ભભૂકી ઉઠી હતી. બનાવ અંગે નગરપાલિકાના અગ્નિશમન દળને જાણ કરવામાં આવતા સતત પાણીનો મારો ચલાવી આગને કાબૂમાં લેવામાં આવી હતી. જાણવા મળી રહ્યું છે કે આગના આ બનાવમાં ત્રણ કેબિન બળીને ખાખ થઈ ગઈ હતી. જ્યારે અન્ય કેબીનોમાં થોડું ઘણું નુકસાન થયું હોવાનો અંદાજ લગાડવામાં આવી રહ્યો છે. આ બાબતે શ્રમજીવી ઉત્કર્ષ એસોસીએશનના પ્રમુખ કાનજીભાઈ મહેશ્વરી દ્વારા સ્થળ પર તપાસ કરીને સ્થાનિક પોલીસ મથકે જાણ કરવામાં આવી હતી.આ આગ કયા કારણોસર લાગી હશે તેની તપાસ કરવામાં આવી રહી છે.
