અંકલેશ્વર જીઆઇડીસી વિસ્તારમાં માર્ગો પર રખડતી ગાયો જોવા મળતાં તેને પકડીને ઢોર પકડવાના વાહનમાં રાખવામાં આવી હતી પણ પશુપાલકોને જાણ થતાં મહિલાઓ દોડી આવી હતી અને ટીમે પકડેલી ગાયોને છોડાવીને લઇ ગઇ હતી. બે દિવસથી ટીમો વિવિધ વિસ્તારોમાં ફરી રહી છે અને રખડતા પશુઓને પકડીને ટેમ્પામાં પુર્યા બાદ ઢોર ડબ્બા ખાતે મુકી આવે છે. ટીમે 5 ગાયને પકડીને ટેમ્પામાં રાખી હતી.
ગાયો પકડી હોવાની જાણ થતાં પશુપાલક મહિલાઓ દોડી આવી હતી અને ટીમના સભ્યો સાથે અસભ્ય વર્તન કરીને તમામ ગાયોને છોડાવીને લઇ ગઇ હતી. નોટીફાઈડ વિભાગના અધિકારી ચિંતન પટેલએ જણાવ્યું હતું કે અમે પકડેલી ગાયોને છોડાવી જનારા પશુપાલકો સામે પોલીસ ફરીયાદ નોંધાવીશું.
રિપોર્ટર:- કેતન મહેતા, અંક્લેશ્વર
