મુંદ્રાના બારોઈમાં આવેલ એક મકાનમાથી 34 હજારના દારૂના જથ્થા સાથે બે શખ્સો ઝડપાયા
copy image
મુંદ્રા ખાતે આવેલ બારોઈમાથી એક રહેણાક મકાનમાંથી અંગ્રેજી પ્રકારના રૂા. 34,822ની કિંમતના દારૂના જથ્થા સાથે બે શખ્સોને ઝડપી પાડવામાં આવેલ છે. આ મામલે સૂત્રો દ્વારા પ્રાપ્ત થતી વિગતો મુજબ પોલીસને ખાનગી રાહે બાતમી મળેલ હતી કે, મુંદ્રા તાલુકામાં આવેલ બારોઈમાં મહાવીરધામ એપાર્ટમેન્ટમાં આવેલા મકાનમાં રહેતા હરપાલસિંહ સુરેન્દ્રસિંહ ઝાલા તથા તેનો મિત્ર તુષાર પ્રેમજીભાઈ મોથારિયા ગેર કાયદેસર દારૂનું વેચાણ કરી રહ્યા છે. મળેલ બાતમીના આધારે પોલીસે બાતમી વાળા સ્થળ પર દરોડો પાડી બંને આરોપી શખ્સોને રૂા. 34,822ની 23 બોટલ શરાબના જથ્થા સાથે સાથે ઝડપી પાડયા હતા. પોલીસે પકડાયેલ શખ્સો પાસેથી તમામ મુદ્દામાલ કબ્જે કરી તેમના વિરુદ્ધ આગળની વધુ કાયદેસરની કાર્યવાહી હાથ ધરી છે.
