અંજાર ખાતે આવેલ મેઘપર બોરીચીમાં એક મહિલાના રહેણાંક મકાનમાથી દારૂનો જથ્થો પોલીસે ઝડપ્યો : મહિલા ફરાર

અંજાર ખાતે આવેલ મેઘપર બોરીચીમાં એક મહિલાના રહેણાંક મકાનમાથી દારૂનો જથ્થો પોલીસે ઝડપી પાડ્યો હતો. આ મામલે સૂત્રો દ્વારા પ્રાપ્ત થતી માહિતી મુજબ પોલીસને ખાનગી રાહે બાતમી મળેલ હતી કે, અંજારના મેઘપર બોરીચીની સ્કાય-1 સોસાયટીમાં મકાન નંબર 72માં રહેનાર જયશ્રીબેન શ્યામ નેકાવાણી પોતાનાં મકાનમાં દારૂ રાખી તેનું વેચાણ કરી રહ્યા છે. મળેલ બાતમીના આધારે પોલીસે હકીકત વાળા સ્થળ પર દરોડો પાડી કાર્યવાહી હાથ ધરી હતી. હાથ ધરવામાં આવેલ કાર્યવાહી દરમ્યાન બાતમી વાળા મકાનમાં તલાશી લેતા તેમાથી ગ્રીન લેબલ બ્રાન્ડની 12 બોટલ કિંમત રૂા. 7692નો શરાબ નીકળી પડ્યો હતો. આ કાર્યવાહી દરમ્યાન આરોપી મહિલા હાજર મળ્યા ન હતા. પોલીસે તમામ મુદ્દામાલ કબ્જે કરી આરોપીને પકડી પાડવા આગળની વધુ કાયદેસરની કાર્યવાહી હાથ ધરી છે.