પાકિસ્તાનના બલૂચિસ્તાનમાં થયો જોરદાર બોમ્બ બ્લાસ્ટ : 20ના મોત 30થી વધુ લોકો ઘાયલ 

 સૂત્રો જણાવી રહ્યા છે કે, પાકિસ્તાનના બલૂચિસ્તાનમાં જોરદાર બોમ્બ બ્લાસ્ટ થયો હોવાને ઘટના સામે આવી રહી છે. જાણવા મળી રહ્યું છે કે આ ઘટનામાં ઓછામાં ઓછા 20 લોકો મોતને ઘાટ ઉતરી ગયા છે. આ બોમ્બ બ્લાસ્ટ બલૂચિસ્તાનના ક્વેટા રેલવે સ્ટેશન પાસે થયો હતો. પ્રાપ્ત થતી વિગતો મુજબ ટ્રેન પ્લેટફોર્મ પર પહોંચે તે પહેલા જ રેલવે સ્ટેશનની બુકિંગ ઓફિસમાં બ્લાસ્ટ થયો હતો. બ્લાસ્ટ સમયે સ્ટેશન પર ભીડ સામાન્ય હતી. આમ છતાં વધુ જાનહાનિનો ખતરો છે. વિસ્ફોટની માહિતી મળતા જ તાત્કાલિક પોલીસ અને બચાવકર્મીઓ વિસ્ફોટના સ્થળે પહોંચી ગયા હતા.   જાણવા મળી રહયું છે કે, જાફર એક્સપ્રેસ સવારે 9 વાગ્યે પેશાવર જવા રવાના થવાની હતી.   જ્યારે બ્લાસ્ટ થયો ત્યારે ટ્રેન પ્લેટફોર્મ પર પહોંચી ન હતી. વિસ્ફોટમાં મૃત્યુઆંક વધી શકે છે કારણ કે ઘાયલ બનેલ લોકોમાં ઘણા બધા લોકોની હાલત ગંભીર હોવાનું જણાઈ રહ્યું છે.