ભરૂચ જિલ્લાના આમોદ તાલુકાના “બચ્ચોં કા ઘર” મદ્રસા ખાતે વૃક્ષારોપણ કાર્યક્રમ યોજાયો
ભરૂચ જિલ્લાના આમોદમાં આવેલા “બચ્ચો કા ઘર” મદ્રસા સ્કૂલમાં વૃક્ષારોપણનો કાર્યક્રમ યોજાયો હતો.જેમાં સંસ્થાના ટ્રસ્ટીઓ સહિત શિક્ષકોએ વૃક્ષારોપણ કર્યું હતું. ભરૂચ જિલ્લા પોલીસ વડા દ્વારા તમામ ધાર્મિક શિક્ષણ સંસ્થાઓમાં વૃક્ષારોપણ કરવાનો આદેશ કરવામાં આવ્યો હતો.જે અનુસંધાને “બચ્ચોં કા ઘર” આમોદ દ્વારા વૃક્ષારોપણના કાર્યક્રમનું આયોજન કરવામાં આવ્યું હતું. “બચ્ચોં કા ઘર” આમોદ ખાતે દીની તાલીમ સાથે દુન્યવી તાલીમ પણ બાળકોને આપવામાં આવે છે.અહીં બાળકો માટે ગુજરાતી તેમજ અંગ્રેજી માધ્યમ ઉપલબ્ધ છે. એક હજારથી વધારે બાળકો અહીં શિક્ષણ મેળવે છે. આ સંસ્થાના પટાંગણમાં ટ્રસ્ટીઓ, શિક્ષકો અને સ્થાનિક લોકોની હાજરીમાં વૃક્ષરોપણ કરાયુ હતું.
રિપોર્ટર:- કેતન મહેતા, ભરૂચ
