ભચાઉમાંથી 62 હજારના મુદ્દામાલ સાથે છ ખેલીઓ ઝડપાયા

ભચાઉમાં જાહેરમાં જુગાર રમતા છ ખેલીઓને પોલીસે ઝડપી પાડ્યા છે. આ મામલે સૂત્રો દ્વારા પ્રાપ્ત થતી વિગતો મુજબ પોલીસને ખાનગી રાહે બાતમી મળેલ હતી કે, નવી ભચાઉમાં મકાન બહાર જાહેર જગ્યામાં રૂપિયાની હારજીતનો જુગાર રમાઈ રહ્યો છે. મળેલ બાતમીના આધારે પોલીસે હકીકત વાળા સ્થળ પર દરોડો પાડી જુગાર રમતા છ પત્તાપ્રેમીઓને રંગે હાતા ઝડપી પાડ્યા હતા. પોલીસે પકડાયેલ શખ્સો પાસેથી રોકડ રૂા. 22,100 સહિત કુલ 62,100નો મુદ્દામાલ કબ્જે કર્યો હતો. પોલીસે તમામ મુદ્દામાલ હસ્તગત કરી પકડાયેલ ખેલીઓ વિરુદ્ધ જુગાર ધારાની કલમો હેઠળ ગુનો નોંધી આગળની વધુ કાયદેસરની કાર્યવાહી હાથ ધરી છે.