માંડવીમાં એક્ટિવા અને કાર વચ્ચે અકસ્માત સર્જાતા બે શખ્સો ઘાયલ
copy image
માંડવીમાં એક્ટિવા અને કાર વચ્ચે અકસ્માત સર્જાયો હતો જેમાં એક્ટિવા પર સવાર બે શખ્સો ઘાયલ બન્યા છે. આ મામલે સૂત્રો દ્વારા મળતી વિગતો મુજબ બે દિવસ પૂર્વે માંડવીમાં ફોરેસ્ટ ગેસ્ટ હાઉસ નજીક આ અકસ્માત સર્જાયો હતો. અહી ઘટિત અકસ્માત મામલે માંડવીના પરીનભાઈ જયેશ ચૌહાણ દ્વારા નોંધાવવામાં આવેલ ફરિયાદ મુજબ ફરિયાદી તથા તેમના મિત્ર કરણ એક્ટિવાથી તા. 16/11ના રાતના સમયે એચ.વી. હોટેલથી થોડા આગળ ફોરેસ્ટ ગેસ્ટ હાઉસ માર્ગ પરથી જઈ રહ્યા હતા, તે સમયે સફેદ અર્ટિગા ગાડીના ચાલકે પૂર ઝડપે બેદરકારીથી કાર ચલાવી અમારી એક્ટિવા સાથે અથડાવી દેતાં તેમને તથા મિત્ર કરણને પગમાં ફ્રેકચર સહિતની ઈજા પહોંચી છે.આ મામલે કાર ચાલક વિરુદ્ધ ફરિયાદ નોંધાવવામાં આવતા પોલીસે આગળની વધૂ તપાસ આદરી છે.
