ટંકારા ખાતે આવેલ લજાઈ નજીક રોડ નજીક ઉભેલ કારમાં અન્ય કાર અથડાતાં સર્જાયો ગંભીર અકસ્માત : એક ઘાયલ એકનું મોત

ટંકારા ખાતે આવેલ લજાઈ નજીક રોડ નજીક ઉભેલ કારમાં અન્ય કાર અથડાતાં ગંભીર અકસ્માત સર્જાયો હતો જેમાં એક યુવાનનું મોત નીપજયું હતુ.આ બનાવ અંગે સૂત્રો દ્વારા પ્રાપ્ત થતી વિગતો મુજબ ટંકારા ખાતે આવેલ લજાઈ નજીક રોડની સાઈડમાં કાર ઉભી રાખી બે મિત્રો ઉભા હતા તે દરમ્યાન પુરઝડપે આવતી કારના ચાલકે રોડની સાઈડમાં રાખેલ કાર પાછળ ભટકાડી અકસ્માત સર્જ્યો હતો આ બનાવ અંગે મોરબીના ન્યુ ગુજરાત હાઉસિંગ બોર્ડમાં રહેતા કુલદીપભાઈ કિર્તીભાઈ છગાણી નામના યુવાન દ્વારા નોધાવવામાં આવેલ ફરિયાદ અનુસાર સફેદ કલરની કિયા કંપનીની કારના ચાલકે પોતાની કાર પુરઝડપે ચલાવી લજાઈથી મોરબી તરફ જતા રોડ પાસે ફરિયાદીને હડફેટે લઈને ઠોકર મારી પછાડી દઈને રોડની સાઈડમાં ઉભી રાખેલ સિયાજ ગાડી પાછળ ભટકાડી હતી પરીણામે અકસ્માત સર્જાયો હતો. જાણવા મળી રહ્યું છે કે સર્જાયેલ અકસ્માતમાં  ફરિયાદી કુલદીપને ઈજા પહોંચી હતી અને વિકાસભાઈને છાતી અને શરીરે ગંભીર ઈજા પહોંચતા સારવાર દરમ્યાન તેમનું મોત નીપજયું હતું. આ મામલે પોલીસે ફરિયાદ દાખલ કરી આગળને વધુ તપાસ હાથ ધરી છે.