“ભુજ શહેર વિસ્તારમાં આવેલ ડાંડા બજારમાં મણિયાર બેંગલ્સ નામની બંગડીયોની દુકાનમાંથી ચોરી છુપીથી હાથીદાંતની બંગડીઓ બનાવી વેચાણ કરવાનું કારસ્તાન પકડી પાડતી લોકલ ક્રાઈમ બ્રાન્ચ, પશ્ચિમ કચ્છ-ભુજ”

શ્રી ચિરાગ કોરડીયા સાહેબ, પોલીસ મહાનિરીક્ષકશ્રી, સરહદી રેન્જ, ભુજનાઓએ જીલ્લામાં ચોરી છુપીરીતે કે છળકપટથી વન્ય પ્રાણી જીવોના અવશેષોના વેપાર પર વોચ રાખવા અને આવી ગેરકાયદેસર થતી પ્રવૃત્તીઓ અટકાવવા માટે સુચના આપેલ.

જે સુચના અનુસંધાને શ્રી વિકાસ સુંડા સાહેબ i/c પોલીસ અધિક્ષકશ્રી પશ્ચિમ કચ્છ- ભુજનાઓના સીધા માર્ગદર્શન હેઠળ લોકલ ક્રાઇમ બ્રાન્ચની ટીમને જીલ્લામાં ચોરી છુપીરીતે કે છળકપટથી વન્ય પ્રાણી જીવોના અવશેષોના વેપાર પર વોચ રાખવા સુચના આપેલ. જે અનુસંધાને ગઈ તા.૧૬/૧૧/૨૦૨૪ના અલગ અલગ સરકારી વાહનોમાં ભુજ શહેર વિસ્તારમાં પેટ્રોલીંગમાં હતી. તે દરમ્યાન પોલીસ ઇન્સ્પેકટરશ્રી એસ.એન.ચુડાસમા સાહેબનાઓને ખાનગીરાહે બાતમી હકિકત મળેલ કે ભુજ મધ્યે બજાર ચોકી આગળ ડાંડા બજારમાં આવેલ મણિયાર બેંગલ્સ નામની બંગડીઓની દુકાનમાં હાથીદાંતની અમુક બંગડીયો ચોરી છુપીરીતે બનાવી તેનુ વેચાણ કરવામાં આવે છે તેવી બાતમી હકિકત મળતા પશુ ચિકિત્સક શ્રી ડૉ. દિક્ષિત પરમાર નાઓનો સંપર્ક કરી તેઓને બોલાવી તેમજ પંચોના માણસો સાથે મણીયાર બેન્ગલ્સ નામની દુકાનમાં જઇ તપાસ કરતાં દુકાનમાં આસીમ અહમદ મણિયાર રહે. મુન્સી શેરી મણિયાર ફળીયુ. સોનીવાડ. ભુજવાળો હાજર મળી આવેલ અને આ દુકાનમાં લાકડાના ટેબલના ખાનામાં પડેલ એક બોક્સ બહાર કાઢી જોતા તેમાં નાની મોટી જાડી પાતળી સાઇઝની કુલ ૧૦ નંગ હાથીદાંતની બંગડીઓ મળી આવેલ જે બાબતે કાયદેસરની કાર્યવાહી કરી ભુજ શહેર એ ડીવીઝન પોલીસ સ્ટેશનને આગળની તપાસ માટે સોંપવામાં આવેલ.

• સંડોવાયેલ ઇસમો

આસીમ અહમદ મણિયાર રહે. મુન્સી શેરી મણિયાર ફળીયુ, સોનીવાડ. ભુજ

અહમદ સુલેમાન મણિયાર રહે. મુન્સી શેરી મણિયાર ફળીયુ, સોનીવાડ, ભુજ

► અલ્તાફ અહમદ મણિયાર રહે. મુન્સી શેરી મણિયાર ફળીયુ, સોનીવાડ, ભુજ

અઝરૂદીન નીઝામુદીન મણિયાર રહે. મુન્સી શેરી મણિયાર ફળીયુ, સોનીવાડ, ભુજ

ઉપરોક્ત કામગીરીમાં લોકલ ક્રાઇમ બ્રાંચ પશ્ચિમ કચ્છ-ભુજના પોલીસ ઇન્સ્પેકટરશ્રી એસ.એન.ચુડાસમા સાહેબ તથા પોલીસ સબ ઇન્સ્પેકટરશ્રી ટી.બી.રબારી સાહેબ તથા એ.એસ.આઇ. વિરેન્દ્રસિંહ જાડેજા, પો.હે.કો. સુરેન્દ્રસિંહ જાડેજા, સુરજભાઇ વેગડા, નવીનભાઇ જોષી, મયુરસિંહ જાડેજા, મહિપાલસિંહ પુરોહિત, શક્તિસિંહ ગઢવી, રાજેન્દ્રસિંહ રાઠોડ, રણજીતસિંહ જાડેજા તથા વુ.પો.કોન્સ. વર્ષાબેન ગાંગલ તથા રાજીબેન મકવાણાનાઓ જોડાયેલ હતા.