અંજાર ખાતે આવેલ નગાવલાડીયા નજીક પાર્ક કરેલી ટ્રકમાં બાઇક અથડાતાં બાઇક ચાલકનું મોત
copy image
અંજાર ખાતે આવેલ નગાવલાડીયા નજીક કોઈ પણ સિગ્નલ રાખ્યા વગર પાર્ક કરેલી ટ્રકમાં બાઇક ટકરાતાં બાઇક ચાલકનું મોત નીપજયું હતું. આ બનાવ અંગે પ્રાપ્ત થતી વિગતો મુજબ ગત તા.16/11ના સાંજે સાત વાગ્યાના સમયે રણજિતસિંહ નામના શખ્સ જે મુન્દ્રા ખાતે અદાણીમાં નોકરી કરતા હતા તે નોકરીએ જવા બાઇક લઇને નીકળ્યા હતા. તેઓ નગાવલાડીયા નજીક ગાંધીધામ-મુન્દ્રા હાઇવે પર આવેલી ક્રિષ્ના હોટલ સામે કોઇપણ સિગ્નલ, રેડિયમ પટ્ટી અને આડશ રાખ્યા વગર આડેધડ પાર્ક કરેલી ટ્રકમાં બાઇક અથડાતાં અકસ્માત સર્જાયો હતો. જાણવા મળી રહ્યું છે કે, સર્જાયેલ અકસ્માતમાં આ બાઇક ચાલકને મોઢાના ભાગે અને છાતીના ભાગે ગંભીર ઇજાઓ પહોંચતા તેમને સારવાર અર્થે હોસ્પિટલ લઈ જવામાં આવેલ હતા પરંતુ સારવાર કારગત નિવડે તે પૂર્વે જ તેમનુ મોત નીપજયું હતું. આ બનાવ અંગે પોલીસે ટ્રકચાલક વિરુદ્ધ ગુનો નોંધી આગળની વધુ તપાસ આરંભી છે.
