લખપત ખાતે આવેલ બિટિયારીમાં જમીન પચાવી પાડનાર ઈશમ વિરુદ્ધ વિરુદ્ધ લેન્ડ ગ્રેબિંગ તળે નોંધાઈ ફરિયાદ
copy image
લખપત ખાતે આવેલ બિટિયારીમાં જમીન પચાવી પાડનાર વિરુદ્ધ લેન્ડ ગ્રેબિંગ તળે ફરિયાદ નોંધાવવામાં આવેલ છે. આ મામલે સૂત્રો દ્વારા પ્રાપ્ત થતી વિગતો મુજબ આ કેસના ફરિયાદી એવા જયદીપભાઇ નીતિનભાઇ પંડયા દ્વારા નોંધાવવામાં આવેલ ફરિયાદ અનુસાર તેમના પિતા નીતિનભાઇએ 14 વર્ષ પૂર્વે બિટિયારી સીમમાં સાડા ત્રણ એકર જમીન વેચાતી લીધી હતી અને અલગ-અલગ પાકનું વાવેતર કરતા હતા. બાદમાં આ જમીન પડતર રાખી હતી.વધુમાં જાણવા મળી રહ્યું છે કે દોઢ વર્ષ અગાઉ ફરિયાદી અને તેના કાકા પ્રકાશભાઇ જેની જમીન પણ તેઓની જમીનની બાજુમાં જ આવેલી છે, તે જોવા જતાં ત્યાં આરોપી એ સહમતી વગર મગફળીનું વાવેતર કરી દીધું હોવાનું સામે આવ્યું હતું. ઉપરાંત આ મામલે આરોપીને પૂછતાછ કરતા આ જમીન મારા પિતાની છે. મને પૂછયા વગર અહીં પગ ન મૂકતા, નહીંતર જાનથી મારી નાખવાની ધમકી આપતા આરોપી શખ્સ વિરુદ્ધ ફરિયાદ નોંધાવવામાં આવેલ છે.
