ઘડૂલી રાયકાનગર નજીક સર્જાયેલ ગમખ્વાર અકસ્માતમાં બે ખાસ મિત્રોના મોત
copy image
ઘડૂલી રાયકાનગર નજીક સર્જાયેલ ગમખ્વાર અકસ્માતમાં બે મિત્રોના મોત નિપજ્યાં હોવાનો કરૂણ બનાવ સામે આવી રહ્યો છે ત્યારે આ બનાવ અંગે પ્રાપ્ત થતી વિગતો મુજબ આ અકસ્માત ગત તા. 16-12ના રાત્રે ત્રણેક વાગ્યાના સમયે સર્જાયો હતો. હતભાગી પ્રફુલભાઇ અને તેમની સાથે તેમના ખાસ મિત્ર એવા જુણાચાયના હઠુભા જાડેજા ઉમરસરની જીએમડીસી માઇન્સમાં ડ્રાઇવર તરીકે નોકરી કરતા હતા. આ બંને ખાસ મિત્રો હઠુભાની બાઇક પર દયાપરથી ઉમરસર નોકરી પર જઇ રહ્યા હતા. તે દરમ્યાન ઘડુલી નજીક પહોંચતા ત્યાં ઉભેલા ટ્રેઇલરના પાછળના ઠાંઠાંમાં બાઇક ટકરાતાં આ બંનેને ગંભીર ઇજાઓ પહોંચી હતી. સર્જાયેલ અકસ્માતમાં ગંભીર ઇજાઓના પગલે આ બંને ખાસ મિત્રોના મોત નિપજ્યા હતા. પવનચક્કીનો સરસામાન ભરી બેદરકારીપૂર્વક રોડ પર પાર્ક કરી રાત્રિના સમયે કોઇ ચેતવણીના સરસામાન આ ટ્રેઇલરની આસપાસ ન ગોઠવનાર ટ્રેઇલરના ચાલક તથા આઇનોક્ષ વિન્ડ કંપનીના જવાબદાર વ્યક્તિ વિરૂદ્ધ પોલીસ મથકે ફરિયાદ નોંધવા સહિતની કામગીરી હાથ ધરવામાં આવી હોવાનું સૂત્રો જણાવી રહ્યા છે.
