ટંકારામાં બાળ મજુરી કરાવનાર ઇસમ વિરુદ્ધ ફરિયાદ
copy image
ટંકારમાં લજાઈ ચોકડી નજીક આવેલ ચા પાનની હોટેલ પર બાળ મજુરી કરાવનાર ઇસમ વિરુદ્ધ ફરિયાદ નોંધાવવામાં આવતા પોલીસે કાયદેસરની કાર્યવાહી હાથ ધરી છે. આ મામલે સૂત્રોમાંથી મળતી વિગતો મુજબ આરોપી શખ્સે પોતાની નારાયણી ચા પાનની હોટેલ ખાતે સગીર કિશોર/બાળકને મજુર તરીકે રાખી તેની પાસે ટેબલ સફાઈ અને રસોઈ બનાવવામાં મદદ કરાવી તેમજ વાસણ સફાઈ, હોટેલ સાફ સફાઈ મજુરી કરાવતો હતો. આ કિશોર પાસે કામ કરાવી આર્થિક શોષણ કરનાર શખ્સ વિરુદ્ધ પોલીસ મથકે ફરિયાદ નોંધાવવામાં આવેલ છે. આ મામલે પોલીસે નોંધાવેલ ફરિયાદના આધારે આગળની વધુ કાર્યવાહી હાથ ધરી છે.
