રાપરના સેલારી ગામમાં ધોળા દિવસે તસ્કરો ત્રાટક્યા : 3.40 લાખની મત્તા પર કર્યો હાથ સાફ

રાપર ખાતે આવેલ સેલારી ગામમાં ધોળા દિવસે 3.40 લાખની તસ્કરી થઈ હોવાની ફરિયાદ પોલીસ ચોપડે ચડી છે. ત્યારે જાણવા મળી રહ્યું છે કે આ મામલે ગામમાં રહેતા મનજીભાઈ કરમણભાઈ બારવડિયાએ પોલીસ મથકે ફરિયાદ નોંધાવેલ છે. નોંધાવેલ ફરિયાદ અનુસાર  ગત દિવસે સવારના 8થી 11 વાગ્યાના સમયગાળામાં ચોર ઈશમોએ આ બનાવને અંજામ આપ્યો હતો. વધુમાં પ્રાપ્ત થતી વિગતો મુજબ અજાણ્યા આરોપી ફરિયાદીની ઓરડીના દરવાજાનું તાળું તોડી ઘરમાં ઘુસ્યાં હતા. આ અજાણ્યા ચોર ઈશમો સોના ચાંદીના દાગીના સહિત કુલ 3.40 લાખની મત્તા પર હાથ સાફ કરી ફરાર થઈ ગયા હતા. આ મામલે પોલીસ મથકે ફરિયાદ નોંધાવવામાં આવતા આગળની વધુ કાર્યવાહી હાથ ધરવામાં આવી છે.