મોખાણામાં ઓનલાઈન ગેમમાં હારી જતાં 17 વર્ષીય તરુણે ઝેરી દવા ગટગટાવી

ભુજના મોખાણામાં ઓનલાઈન ગેમમાં હારી જતાં 17 વર્ષીય તરુણે આપઘાત કરી લીધો હોવાનો બનાવ સામે આવી રહ્યો છે ત્યારે આ મામલે સૂત્રોમાંથી પ્રાપ્ત થતી વિગતો મુજબ 17 વર્ષીય હતભાગી તરુણ મોખાણા સ્થિત પોતાના ઘરે હતો તે દરમ્યાન મોબાઈલમાં કોઈ ગેમ રમી રહ્યો હતો, જેમાં હારી જતાં આ તરુણ નિંદામણ બાળવાની ઝેરી દવા ગટગટાવી ગયો હતો. બનાવની જાણ થતાં જ તેને સારવાર અર્થે હોસ્પિટલ લઈ જવામાં આવેલ હતો પરંતુ ફરજ પરના તબીબે તેને મૃત જાહેર કર્યો હતો. પોલીસે આ બનાવ અંગે અકસ્માત મોતનો ગુનો નોંધી આગળની વધુ તપાસ આદરી છે.