ગાંધીધામમાંથી 16 હજારની રોકડ સાથે પાંચ ખેલીઓની અટક

ગાંધીધામમાંથી 16 હજારની રોકડ સાથે પાંચ ખેલીઓને પોલીસે ઝડપી પાડ્યા છે. આ મામલે વધુમાં સૂત્રોમાંથી પ્રાપ્ત વિગતો મુજબ ગાંધીધામ શહેરમાં આવેલ ચાવલા ચોક પાસે આવેલ નુતન લોજ નજીક જાહેરમાં અમુક ઈશમો રૂપિયાની હારજીતનો જુગાર રમી રહ્યા હતા. તે સમયે અચાનક ત્રાટકેલી પોલીસે અહીથી રૂપિયાની હાર જીતનો જુગાર રમતા પાંચ શખ્સોને રંગે હાથ ઝડપી પાડ્યા હતા. પોલીસે પકડાયેલ શખ્સો પાસેથી રોકડ રૂ.16,320 સહિતનો તમામ મુદ્દામાલ કબ્જે કરી તેમના વિરુદ્ધ જુગારધારાની કલમો હેઠળ ગુનો નોંધી આગળની વધુ કાયદેસરની કાર્યવાહી આરંભી છે.