અંજારના મેઘપર બોરીચીની સોસાયટીમાંથી 59,150 ના મુદ્દામાલ સાથે પાંચ ખેલીઓની ધરપકડ

અંજાર ખાતે આવેલ મેઘપર બોરીચીની સોસાયટીમાંથી 59,150 ના મુદ્દામાલ સાથે પાંચ ખેલીઓને પોલીસે ઝડપી પાડ્યા છે. ત્યારે આ મામલે સૂત્રોના જણાવ્યા અનુસાર પોલીસની ટીમ પેટ્રોલિંગમાં હતી તે સમયે  મેઘપર બોરીચીની ઉમાનગર સોસાયટી કોમ્યુનિટી હોલની નજીક જાહેરમાં જુગાર રમતા પાંચ ખેલીઓને રંગે હાથ દબોચી લીધા હતા.  પોલીસે પકડાયેલ ખેલીઓ પાસેથી રોકડ રૂા. 11,150 સહિત કુલ 59,150નો તમામ મુદ્દામાલ કબ્જે કરી તેમના વિરુદ્ધ જુગારધારાની કલમો હેઠળ ગુનો નોંધી આગળની વધુ કાયદેસરની કાર્યવાહી આરંભી છે.