ભુજ સ્વામિનારાયણ મંદિર ખાતે ધામધૂમ થી કૃષ્ણ જન્મોત્સવ ઉજવાયો

ભુજ તા. ૧૬: ભુજ સ્વામિનારાયણ મંદિર ખાતે હજારો ભક્તો ની ભીડ વચ્ચે બરોબર બાર ના ટકોરે બાળ સ્વરૂપ ભગવાન શ્રી. કૃષ્ણ અવતાર નું આગમન થતાં ભુજ મંદિર ના મહંત સ્વામી શ્રી. ધર્મનંદનદાસજીએ બાલગોપલ ની આરતી કરી હતી જ્યારે ઉપમહંત શ્રી ભગવદ્જીવનદાસજી, પાર્ષદ જાદવજી ભગત, કોઠારી દેવપ્રકાશદાસજી વિગેરે વરિષ્ઠ સંતો એ ઉપસ્થિત હજારો ની હરિભકતો સાથે દિવેટ લઈ ઠાકોરજી ની આરતી કરવાનો લાભ લીધો હતો.. મુખ્ય સભામંડપ ડોમ માં ભુજ મંદિર અને કચ્છ શ્રી. નરનારાયણ દેવ યુવક યુવતી મંડળ ના સંયુક્ત ઉપક્રમે મટકી ફોડ કાર્યક્રમમાં ઉમંગભેર હરિભક્તો રાસ ની રમઝટ સાથે નંદ ઘેર આનંદ ભયો… ના નાદ થી વાતાવરણ ગુંજી ઉઠ્યું હતું.. ઠાકોરજી જન્મોત્સવ માં પ્રસાદ સ્વરૂપે પંચામૃત અને પંજરી નો સ્વાદ હરિભકતો માણ્યો હતો.