ભારે વરસાદના લીધે કચ્છમાં જી.એસ.આર.ટી.સીની બસોના ૧૦ રૂટ અને ૧૮ ટ્રીપ બંધ કરાઈ

કચ્છ જિલ્લામાં ભારે વરસાદના લીધે વિવિધ તાલુકાની જી.એસ.આર.ટી.સી ની બસોના ૧૦ રૂટ અને ૧૮ ટ્રીપ બંધ કરાવામાં આવેલ છે. જેમાં ધોરડો- હાજીપીર, રતડીયા- ભોજાય, રાપર- રામવાવ, રામવાવ- લોધીડા, રાપર- બાલાસર- વ્રજવાણી, રાપર- ધોળાવીરા, રાપર- ગેડી- ફતેણગઢ, આધોઈ- લખપત, મેવાસા- માણાબા તથા રાપર- નલિયા ટીંબો સહિતના રૂટ તથા બસની ટ્રીપ બંધ કરવામાં આવી છે. ભારે વરસાદની પરિસ્થિતિમાં કચ્છ જિલ્લા વહીવટીતંત્ર દ્વારા મુસાફરી ટાળવા તથા સાવચેતી રાખવા અનુરોધ કરવામાં આવ્યો છે.