રાજ્ય સરકાર દ્વારા લઘુતમ ટેકાના ભાવથી બાજરીની ખેડૂતો પાસેથી સીધી ખરીદી કરાશે

ખેડૂતોને તેઓના પાકના પોષણક્ષમ ભાવ મળી રહે તે માટે ખરીફ માર્કેટીંગ સીઝન ૨૦૨૫-૨૬ માં ભારત સરકાર દ્વારા
લઘુતમ ટેકાના ભાવે ડાંગર (કોમન)માટે રૂ.૨૩૬૯/- પ્રતિ ક્વિન્ટલ, ડાંગર (ગ્રેડ-એ )માટે રૂ.૨૩૮૯/- પ્રતિ ક્વિન્ટલ, મકાઈ માટે
રૂ.૨૪૦૦/-પ્રતિ ક્વિન્ટલ ,બાજરી માટે પ્રતિ ક્વિન્ટલ રૂ.૨૭૭૫/- (ઉપરાંત વધારાનું બોનસ રૂ. ૩૦૦/- પ્રતિ ક્વિ) જુવાર(હાઈબ્રીડ)
૩૬૯૯/-પ્રતિ ક્વિન્ટલ (ઉપરાંત વધારાનું બોનસ રૂ. ૩૦૦/- પ્રતિ ક્વિ), જુવાર(માલદંડી) ૩૭૪૯/- પ્રતિ ક્વિન્ટલ (ઉપરાંત વધારાનું
બોનસ રૂ. ૩૦૦/- પ્રતિ ક્વિ) તથા રાગી માટે ૪૮૮૬/- પ્રતિ ક્વિન્ટલ (ઉપરાંત વધારાનું બોનસ રૂ. ૩૦૦/- પ્રતિ ક્વિ) ભાવથી ગુજરાત
રાજ્ય નાગરિક પુરવઠા નિગમ લી. મારફતે લઘુતમ ટેકાના ભાવે ખરીદી કરવામાં આવનાર છે.
લઘુતમ ટેકાના ભાવે વેચાણ કરવા ઇચ્છા ધરાવતા ખેડૂતોની ઓનલાઇન નોંધણી  સમગ્ર રાજ્યમાં  સ્થાનિકે  ગ્રામ્ય કક્ષાએ VCE
ખાતે તા.૦૧/૧૦/૨૦૨૫ થી તા.૩૧/૧૦/૨૦૨૫ સુધી કરવામાં આવશે. તેમજ ડાંગરની ખરીદી ૦૧/૧૧/૨૦૨૫ થી ૩૧/૦૧/૨૦૨૬
સુધી તથા મકાઈ, બાજરી , જુવાર તથા રાગીની ખરીદી ૦૧/૧૧/૨૦૨૫ થી ૩૦/૦૧/૨૦૨૬ સુધી કરવામાં આવશે. તે મુજબ નોંધણી
કરાવવા તમામ ખેડૂતોને આથી જાણ કરવામાં આવે છે. ખેડૂત ખાતેદારોના બાયોમેટ્રિક ઓથેન્ટિકેશન દ્વારા નોંધણી કરવામાં આવશે જેની
ખાસ નોંધ લેવાની રહેશે.
નોંધણી માટે જરૂરી પુરાવા જેવા કે, આધાર કાર્ડની નકલ, અદ્યતન ગામ નમુનો ૭, ૧૨, ૮-અની નકલ, ગામ નમુના ૧૨માં
પાક વાવણી અંગે એન્ટ્રી ન થઇ હોય તો પાકની વાવણી અંગેનો તલાટીના સહી સિક્કા સાથેનો દાખલો, ખેડૂતના નામના બેન્ક ખાતાની
વિગત જેમ કે, બેન્ક પાસબુકની નકલ અથવા કેન્સલ ચેકની નકલ સાથે લાવવાની રહેશે.
રાજ્યના ખેડૂતો તેઓના પાક લઘુતમ ટેકાના ભાવે વેચાણ કરવા ઇચ્છુક હોય તેઓની ઓનલાઇન નોંધણી ફરજિયાત હોવાથી
આ સંબંધિત ગ્રામપંચાયતનો સંપર્ક કરી નોંધણી કરાવવા ખાસ અનુરોધ છે. ટેકાના ભાવે ખરીદી માટે રજિસ્ટ્રેશન કરાવેલ ખેડૂતોને SMS
મારફતે ખરીદી અંગેની જાણ કરવામાં આવશે. ખરીદી સમયે ખેડૂતે પોતાનો આધારકાર્ડ/ઓળખપત્ર સાથે રાખવાનું રહેશે. ખેડૂત ખાતેદાર
બાયોમેટ્રિક ઓથેન્ટિકેશન દ્વારા જ જથ્થો ખરીદી કરવામાં આવશે જેની નોંધ લેવી. ડોક્યુમેન્ટની ચકાસણી દરમ્યાન ખોટા ડોક્યુમેન્ટ
અપલોડ કરાયા હોવાનું ધ્યાને આવશે તેવા કિસ્સામાં આપનો ક્રમ રદ થશે અને ખરીદી માટે આપને જાણ નહી કરવામાં આવે તેની
ખેડૂતમિત્રએ નોંધ લેવી.
નોંધણી બાબતે કોઇ મુશ્કેલી જણાય તો હેલ્પલાઇન નંબર ૮૫૧૧૧૭૧૭૧૮ તથા ૮૫૧૧૧૭૧૭૧૯ ઉપર સંપર્ક કરવાનો
રહેશે. ખેડૂતોએ નોંધણી માટે VCE ને કે ગોડાઉન કક્ષાએ કોઈ પણ રકમ ચૂકવવાની રહેતી નથી જેની ખાસ નોંધ લેવી તેવું ગુજરાત રાજ્ય
નારગિક પુરવઠા નિગમ લિમિટેડ કચ્છની અખબારી યાદીમાં જણાવામાં આવ્યુ છે.