બાબીયા તથા બરાયા બ્રિજ પરથી ભારે વાહનોની અવર-જવર પર પ્રતિબંધ
કાર્યપાલક ઈજનેરશ્રી, માર્ગ અને મકાન વિભાગ, ભુજ-કચ્છના વંચાણ-૧વાળા પત્રની વિગતે ભુજ-મુન્દ્રા રસ્તા પર ચે.૩૦/૦ થી ૩૧/૦ વચ્ચે ૮૪.૦ મી. લંબાઈનો બાબીયા બ્રિજ તથા ચે.૪૦/૦ થી ૪૧/૦ વચ્ચે ૧૪૪.૦ મી. લંબાઈનો બરાયા બ્રિજ આવેલ છે જે બ્રિજ પરથી ભારે વાહનોની અવર-જવર પર પ્રતિબંધ ફરમાવવા તથા વૈકલ્પિક રસ્તાનો ઉપયોગ કરવા જાહેરનામું બહાર પાડવા દરખાસ્ત રજુ થયેલ. રજુ થયેલ દરખાસ્ત અન્વયે અત્રેથી અભિપ્રાય મંગાવતા પોલીસ અધિક્ષકશ્રી, પશ્વિમ કચ્છ-ભુજની કચેરીના વંચાણ-૨ તથા સબ ડીવીઝનલ મેજીસ્ટ્રેટશ્રી, મુંદરાના વંચાણ-૩વાળા પત્રથી હકારાત્મક અભિપ્રાય રજુ થયેલ જે બાબતે અત્રેના વંચાણ-૪ વાળાથી જાહેરનામું બહાર પાડવામાં આવેલ છે જે જાહેરનામાની મુદત પૂર્ણ થયેલ હોઈ વધુ મુદતનું જાહેરનામું બહાર પાડવા વંચાણ-પવાળી દરખાસ્ત રજુ થયેલ છે જે ધ્યાને લઈ નીચે જણાવ્યા મુજબનો હુકમ કરવો જરૂરી જણાય છે.
કચ્છ-ભુજ જિલ્લા મેજિસ્ટ્રેટશ્રી આનંદ પટેલ દ્વારા ગુજરાત પોલીસ અધિનિયમ ૧૯૫૧ની કલમ ૩૩(૧)(બી) અન્વયે ફરમાવેલ છે કે, તા.૧૫/૦૬/૨૦૨૬ સુધીના સમયગાળા માટે ભુજ-મુન્દ્રા રસ્તા પર ચે.૩૦/૦ થી ૩૧/૦ વચ્ચે ૮૪.૦ મી. લંબાઈનો બાબીયા બ્રિજ તથા ચે. ૪૦/૦ થી ૪૧/૦ વચ્ચે ૧૪૪.૦ મી. લંબાઈના બરાયા બ્રિજ પરથી ભારે વાહનો અવર-જવર કરી શકશે નહી. જયારે ભુજ-માંડવી રસ્તા પર સુખપર ત્રણ રસ્તાથી ધુણઈ થી કોડાય પુલથી બિદડા થી પ્રાગપર ચોકડીવાળા રસ્તા પરથી ભારે વાહનો અવર-જવર કરી શકશે.આ બ્રિજ પરથી ભારે વાહનોની અવર-જવર બંધ થવા તેમજ વૈકલ્પિક રસ્તા/માર્ગનો ઉપયોગ કરવા હુકમ કરેલ છે.
અંજના ભટ્ટી
