ચિત્રોડ નજીક લાકડિયાના 24 વર્ષીય યુવાનનો આપઘાત

રાપર ખાતે આવેલ ચિત્રોડ નજીક લાકડિયાના 24 વર્ષીય યુવાને ગળે ફાંસો ખાઈ પોતાની જીવનલીલા સંકેલી લીધી હતી. આ બનાવ અંગે વર્તુળોમાંથી પ્રાપ્ત થતી વિગતો મુજબ ગત તા. 27/11ના રાતના અરસામાં લાકડિયામાં રહેનાર મૂળ બિહારના મોહમદ જાકીર નામના યુવાને જીવનનું અંતિમ પગલું ભરી લીધું હતું. હતભાગી ચિત્રોડ નજીક ખટલાવાળી વાંઢ મેલડી માતાના મંદિર નજીક રહેતો હતો તે દરમ્યાન કોઈ અકળ કારણોસર ગળે ફાંસો ખાઈ જીવનનું અંતિમ પગલું ભરી લીધું હતું. આ બનાવ અંગે અકસ્માત મોતનો ગુનો નોંધી પોલીસે આગળની વધુ તપાસ આરંભી છે.