“સોશીયલ મીડીયા મારફતે એક ના ડબલ આપવાની લાલચ આપી લોકો સાથે છેતરપીંડી કરવાની કોશિષ કરનાર ઇસમને પકડી પાડતી LCB પશ્ચિમ કચ્છ-ભુજ”

શ્રી ચિરાગ કોરડીયા સાહેબ, પોલીસ મહાનિરીક્ષકશ્રી, સરહદી રેન્જ, ભુજ તથા શ્રી વિકાસ સુંડા સાહેબ પોલીસ અધિક્ષકશ્રી પશ્ચિમ કચ્છ-ભુજનાઓએ સસ્તા સોનાની લાલચ આપતી ગેંગો તથા એકના ડબલ કરી આપવાના ઇરાદાથી લોકો સાથે છેતરપીડી કરતા ઇસમોને પકડી તેમના વિરૂધ્ધ કાર્યવાહી કરવા માટે સુચના અને માર્ગદર્શન આપેલ હોય.

જે સુચના અને માર્ગદર્શન મુજબ લોકલ ક્રાઇમ બ્રાન્ચ પશ્ચિમ કચ્છ-ભુજના ઇન્ચાર્જ પોલીસ ઇન્સ્પેકટરશ્રી એચ.આર.જેઠી તથા પોલીસ સબ ઇન્સ્પેકટરશ્રી જે.બી.જાદવ નાઓએ જિલ્લામાં અમુક ઇસમો દ્વારા સોશ્યલ મીડીયામાં ખોટી આઇ.ડી. બનાવી તેના મારફતે સોશ્યલ મીડીયામાં ભારતીય ચલણી નોટોનો અથવા સસ્તા સોનાના બિસ્કિટના વીડીયો બનાવી વાયરલ કરી લોકો સાથે સંપર્ક કેળવી વિશ્વાસમાં લઇ તેઓની સાથે છેતરપીંડી કરતા ઇસમોને પકડી આવા ગુનાઓ બનતા અટકાવવા માટે તેમના વિરૂધ્ધ કાયદેસરની કાર્યવાહી કરવા માટે સુચના અને માર્ગદર્શન આપેલ હોય જે સુચના મુજબ એ.એસ.આઇ. દેવજીભાઇ મહેશ્વરી તથા પોલીસ હેડ કોન્સ્ટેબલ મુળરાજભાઇ ગઢવી, સુરજભાઇ વેગડા, લીલાભાઈ દેસાઇ, નવીનભાઇ જોષી, રણજીતસિંહ જાડેજા તથા રાજેશભાઇ ગઢવીનાઓ કોડાય પોલીસ સ્ટેશન વિસ્તારમાં પેટ્રોલીંગમાં હતા દરમ્યાન મુળરાજભાઇ ગઢવી તથા લીલાભાઇ ગઢવીનાઓને સંયુક્ત રીતે ખાનગી રાહે મળેલ બાતમી હકીકત મળેલ કે, મજીદ અબ્દુલ્લા થેબા રહે, તલવાણા તા. માંડવીવાળો હાલે બીદડા અને કોડાયપુલ વચ્ચે તલવાણા ગામના પાટીયા પાસે ટુ વિલ્હર એકસેસ મોપેડ સાથે હાજર છે અને તેની પાસે ભારતીય ચલણી નોટોના બંડલ છે જેમાં બંડલની ઉપર તથા નીચેના ભાગે સાચી ચલણી નોટ રાખેલ છે અને આ નોટોના બંડલ અલીશા શેખડાડાને આપવા જનાર છે. અને આ અલીશા શેખડાડા કે જે આ બંડલો દ્રારા લોકોને અગાઉ આવી રીતે લોકો સાથે છેતરપીડી કરવાના ગુનામાં સામેલ હોઈ તેને આપવા જઇ રહેલ છે. જે મળેલ હકીકત આધારે તપાસ કરતા મજકુર ઇસમ મળી આવેલ અને તેની પાસેથી ભારતીય બનાવટના અલગ અલગ દરની રૂપીયાની ચલણી નોટોના બંડલો તેમાં ઉપરના તથા નીચેના ભાગે એક અસલ ભારતીય ચલણી નોટ હોય અને વચ્ચે તેવા જ દેખાવ વાળી ભારતીય બચ્ચોકા બેન્કની નોટો હોય મળી આવેલ છે. મજકુર ઇસમને આ બાબતે પુછતા જણાવેલ કે, હુ નોટોના બંડલનો વિડીયો બનાવી ભુજના અલીશા શેખડાડા રહે. ભુજ વાળાને મોકલતો હતો અને આ અલીશા સોશ્યલ મીડીયા પ્લેટફોર્મ્સનો ઉપયોગ કરી એક લાખના બદલામાં રૂપીયા પાંચ લાખ આપવા સબંધે લોકોને લલચાવવા માટે લોભામણા વીડીયો મારફતે તે વિવિધ લોકો સાથે સંપર્ક સાધી લાભ મેળવવાના બહાને વિશ્વાસમાં લઇ છેતરપીંડી કરતો હોવાની હકિકત જણાવેલ જેથી મજકુર હાજર મળી ઇસમ તથા હાજર નહી મળી આવેલ ઇસમ વિરૂધ્ધમાં કોડાય પોલીસ સ્ટેશન ખાતે ગુ.ર.નં. ૩૨૮/૨૦૨૫ ભારતીય ન્યાય સંહિતા ૨૦૨૩ ની કલમ ૧૮૨, ૩૧૮(૨), ૩૧૮(૪), ૬૧.૬૨ મુજબ ગુનો રજીસ્ટર કરાવેલ છે.

પકડાયેલ આરોપી

• મજીદ અબ્દુલા થેબા ઉ.વ. ૪૨ રહે. તલવાણા તા.માંડવી

પકડવાનો બાકી આરોપી

• અલીશા શેખડાડા રહે. ભુજ

→ કબ્જે કરેલ મુદ્દામાલ

ભારતીય ચલણના રૂપીયા ૧૦૦/- ૨૦૦/- તથા ૫૦૦/-ના દરની નોટોના બંડલો જેવા દેખાતા બંડલો બનાવી બંડલો ઉપરના તથા નીચેના ભાગે એક-એક સાચી ભારતીય ચલણના ૧૦૦/-૨૦૦/- તથા ૫૦૦/- ની નોટો જેની કી.રૂા. ૧૦,૨૦૦/-

• ભારતીય બચ્ચોકા બેન્ક લખેલ નોટોના ૧૦૦/-, ૨૦૦/-, તથા ૫૦૦/-ની નોટોના બંડલો નંગ-૧૯ જેની કી.રૂા. ૫૧,૦૦,૦૦૦/- દર્શાવેલ હોઇ જે બંડલોની સાચી કી.રૂા. ૦૦/૦૦

સુજકી કંપનીની એક્સેસ મોડલની રજી.નં. જીજે. ૧૨.એસ.ડી.૫૦૪૭ કી.રૂા. ૫૦,૦૦૦/-

મોબાઇલ ફોન નંગ-૦૧ કી.રૂા. ૫૦૦૦/-

આરોપી મજીદ અબ્દલા થેબાનો ગુનાહિત ઇતિહાસ:

માંડવી પોલીસ સ્ટેશન ખાતે ગુ.ર.નં. ૯૨૫/૨૦૨૫ આઇ.પી.સી. કલમ ૩૨૩,૧૧૪ તથા જી.

૧૩૫ મુજબ

• કોડાય પોલીસ સ્ટેશન ખાતે ગુ.ર.નં. ૨૪૭/૨૦૨૫ જુગાર ધારા કલમ ૧૨ મુજબ

આરોપી અલીશા શેખડાડાનો ગુનાહિત ઇતિહાસ:

ભુજ શહેર બી ડીવીઝન પોલીસ સ્ટેશન ખાતે ગુ.ર.નં. ૧૪૦૨/૨૦૨૫ બી.એન.એસ. કલમ ૧૮૨, ૩૧૮(૨), ૩૧૮(૪), ૬૧,૬૨ મુજબ