ભચાઉમાંથી જુગાર રમતી ચાર મહિલાઓની અટક

ભચાઉમાં જાહેરમાં ગંજીપાના વડે જુગાર રમતી ચાર મહિલાઓને પોલીસે 14 હજારની રોકડ સાથે ઝડપી પાડી હતી. આ મામલે વધુમાં સૂત્રોમાંથી પ્રાપ્ત થતી વિગતો મુજબ, ભચાઉની સર્વોદય સોસાયટીમાં દશામાના મંદિર નજીકની શેરીમાં ગત દિવસને સાંજના અરસામાં અમુક મહિલાઓ રૂપિયાની હારજીતનો જુગાર રમી રહી હતી. તે સમયે અચાનક ત્રાટકેલી પોલીસે અહીથી રોકડ રૂા. 14,700 સાથે જુગાર રમતી ચાર મહિલાઓને રંગે હાથ ઝડપી પાડી હતી. પોલીસે પકડાયેલ ખેલીઓ પાસેથી તમામ મુદ્દામાલ કબ્જે કરી તેમના વિરુદ્ધ જુગાર ધારાની કલમો હેઠળ ગુનો નોંધી આગળની વધુ કાર્યવાહી હાથ ધરી છે.