પશ્ચિમ કચ્છમાં કલેકટરશ્રી દ્વારા ખાણ-ખનિજ માટે રચાયેલ જિલ્લા ટાસ્ક ફોર્સ તથા LCB ભુજ ટીમએ ખનીજ ચોરી ઝડપી

જીલ્લામાં ખનિજ ચોરીને અટકાવવા જીલ્લા કલેકટરશ્રી,કચ્છ દ્વારા જીલ્લા ટારસ્ક ફોર્સની રચના કરવામાં આવેલ છે. આ જીલ્લા ટાસ્ક ફોર્સ ટીમ તથા લોકલ ક્રાઈમ બ્રાંચ ભુજની ટીમ દ્વારા સંયુક્ત રીતે જીલ્લા કલેકટરશ્રી તથા એસ.પી.શ્રી ભુજના માર્ગદર્શન હેઠળ ખાણ-ખનીજ ચોરી અટકાવવા ચેકિંગ હાથ ધરવામાં આવેલ. જે હેઠળ ટીમ દ્વારા તા.૨૭/૧૨/૨૦૨૫ ના રોજ માંડવી તાલુકાના રાયણ ગામ પાસેથી નર્મદાની મુખ્ય કેનાલ પરથી પસાર થતાં રોયલ્ટી વગર ભરેલી ટ્રક નં.GJ-૧૨-AW-૦૧૯૩ જેના ડ્રાઈવર મેઘજી જીવા જોગી તેના માલિક ગઢવી ભરત દેવાંધ પાસેથી ૧૯ મે.ટન રેતી ના જથ્થા સાથે કબ્જે કરવામાં આવેલ છે. તેમજ ભુજ તાલુકાના કુનરીયા નાના ગામ પાસેથી ટ્રક નં NL-O૬-A-૯૯૫૯ જેના ડ્રાઈવર નવીનભાઈ નાગજી મારાજ, તેના માલિક અરૂણભાઈ છાંગા પાસેથી ૨૮ મે.ટન મોરમ ખનીજ રોયલ્ટી વગરના જથ્થા સાથે કબ્જે કરવામાં આવેલ છે. બંને ટ્રક તથા ખનીજની અંદાજિત કિંમત રૂ.૩૫ લાખ પુરાનો મુદામાલ કબ્જે કરી જેની આગળની કાર્યવાહી માટે તજવીજ હાથ ધરવામાં આવેલ છે.