ભુજમાં આધેડે ગળે ફાંસો ખાઈ જીવન ટૂંકાવ્યું
copy image
ભુજમાં 43 વર્ષીય આધેડે ગળે ફાંસો ખાઈ જીવનનું અંતિમ પગલું ભરી લીધું હતું. આ બનાવ અંગે વધુમાં પ્રાપ્ત થતી વિગતો મુજબ, ભુજના આઝાદનગરમાં રહેનાર ઉમર જુસબ લાખા નામનો આધેડ લોટસ કોલોનીના કોઈ મકાનમાં હતો તે સમયે કોઈ અકળ કારણોસર ગળેફાંસો ખાઈ આપઘાત કરી લીધો હતો. બનાવ અંગે જાણ થતાં જ તેમને તાત્કાલિક સારવાર અર્થે હોસ્પિટલ લઈ જવામાં આવેલ હતા જ્યાં ફરજ પરના તબીબે તેમને મૃત જાહેર કર્યા હતા. આ બનાવ અંગે પોલીસે નોંધ કરી આગળની વધુ તપાસ આદરી છે.
