ચિંતન, હિમાંશ અને હેતે મેન્સ ક્વોલિફાઈંગ રાઉન્ડ મેચો જીતી લીધી

ગાંધીધામ, 17 જુલાઈઃ ડીપીએ બીજી ગુજરાત સ્ટેટ રેન્કિંગ ટેબલ ટેનિસ ટુર્નામેન્ટ 2026નો અહીંના સ્વ. એમ. પી. મિત્રા ઇન્ડોર સ્ટેડિયમ, હરેશ સંગતાણી સ્પોર્ટ્સ કોમ્પલેક્સ ખાતે પ્રારંભ થયો ત્યારે રાજકોટના અનુભવી ખેલાડી ચિંતન ઓઝાએ વલસાડન મુર્તુઝા રંગવાલા સામે એક પણ ગેમ ગુમાવ્યા વિના મેન્સ કેટેગરીની  ક્વોલિફાઈંગ રાઉન્ડની મેચ જીતી લીધી હતી. આ ટુર્નામેન્ટ 17થી 19મી જુલાઈ દરમિયાન યોજાઈ છે.

આ ટુર્નામેન્ટ ગુજરાત સ્ટેટ ટેબલ ટેનિસ એસોસિયેશનના નેજા હેઠળ કચ્છ ડિસ્ટ્રિક્ટ ટેબલ ટેનિસ એસોસિયેશનના ઉપક્રમે યોજાઈ રહી છે જેના સ્પોન્સર દિનદયાલ પોર્ટ ઓથોરિટી (ડીપીએ) છે જ્યારે તેના ઇક્વિપમેન્ટ પાર્ટનર સ્ટિગા છે. આ ટુર્નામેન્ટમાં 2.90 લાખ રૂપિયાના પુરસ્કાર એનાયત થશે અને વિજેતાઓને અન્ય ગિફ્ટ પણ વિતરીત કરાશે.

મેન્સ ક્વોલિફાઈંગ રાઉન્ડની ઘણી મેચો એકતરફી બની રહી હતી કેમ કે અમદાવાદના હિમાંશ દહિયાએ ભાવનગરના પ્રથમ બચાણીને 12-10, 11-2, 11-4થી હરાવ્યો હતો જ્યારે હેત ઠાકર  (રાજકોટ)એ ભાવનગરના કહાન ગોહેલની સીધી ગેમમાં હરાવ્યો હતો. સુરતના રિયાન શાહે પણ રાજકોટના પવન દેત્રોજાને 3-0થી આસાનીથી હરાવ્યો હતો.

અંડર-19 બોયઝ ક્વોલિફાયર્સમાં ભાવનગરના સાગર મકવાણા, ભાવનગરના સૌમ્ય દેસાણી, કચ્છના આરવ સિંઘવી અને સુરતના અનય બચાવતે પણ આગેકૂચ કરી હતી.

અંડર-15 બોયઝ ક્વોલિફાયરમાં પણ શાનદાર પ્રદર્શન જોવા મળ્યું હતું કેમ કે સુરતના જય મુન્દાદા અને નિહાન લિબાંચીયાએ સીધી ગેમમા વિજય હાંસલ કર્યો હતો. અમદાવાદના નક્શ પટેલે વડોદરાના રક્શ મેહુલ સંઘવી સામે આસાન વિજય હાંસલ કર્યો હતો. જ્યારે કચ્છના પૂન્યા મહેતા ભાવનગરના ક્રિષ્ણા જેઠવા સામે વળતો પ્રહાર કરીને 3-1થી મેચ જીતી હતી.

મેન્સમાં મોખરાના ક્રમના જયનિલ મહેતા, પ્રથમ માદલાણી, જન્મેજય પટેલ અને નુતાંશુ દયામા હવે મેઇન ડ્રોમાં તેમની મેચો રમશે.

અંડર-19 બોયઝ કેટેગરીમાં જન્મેજય પટેલ, વેદ પંચાલ, હિમાંશ દહિયા અને માલવ પંચાલ જેવા મોખરાના ખેલાડીઓ રમી રહ્યા છે. જ્યારે અનય બચાવત, ધ્રુવ ભાંબાણી, રિયાન શાહ અને રાજવીર માધવાણી અંડર-15 બોયઝમાં મોખરાના ચાર ક્રમે છે.

કેટલાક પરિણામઃ

મેન્સ ક્વોલિફાઈંગ રાઉન્ડઃ

હિમાંશ દહિયા જીત્યા વિરુદ્ધ પ્રથમ બચાણી 3-0 (12-10, 11-2, 11-4); હેત ઠાકર જીત્યા વિરુદ્ધ કહાન ગોહેલ 3-0 (11-6, 11-7, 11-6); રિયાન શાહ જીત્યા વિરુદ્ધ  પવન દેત્રોજા 3-0 (11-7, 12-10, 11-6); ચિતંન ઓઝા જીત્યા વિરુદ્ધ  મુર્તુઝા રંગવાલા 3-0 (11-2, 11-6, 11-2).

અંડર-19 બોયઝ ક્વોલિફાઇંગ રાઉન્ડઃ સાગર મકવાણા જીત્યા વિરુદ્ધ લવિશ શાહ 3-0 (11-8, 11-3, 11-7); સૌમ્ય દેસાણી જીત્યા વિરુદ્ધ શિવમ દાધણીયા 3-2(10-12, 11-8, 12-10, 6-11, 11-6); આરવ સિંઘવી જીત્યા વિરુદ્ધ આરવ ભાલ 3-1 (11-5, 6-11, 11-7, 14-12); અનય બચાવત જીત્યા વિરુદ્ધ અભિ ત્રિવેદી 3-0 (11-8, 11-7, 11-8).

અંડર-15 ક્વોલિફાઇંગ રાઉન્ડઃ જય મુન્દાદા જીત્યા વિરુદ્ધ લકી મિશ્રા 3-0 (11-7, 11-8, 11-1); નિહાન લિંબાચીયા જીત્યા વિરુદ્ધ રિશ ટાંક 3-0 (11-8, 11-5, 11-8); નક્શ પટેલ જીત્યા વિરુદ્ધ રક્શ મેહુલ સિંઘવી 3-0 (11-4, 11-3, 11-6); પૂન્ય મહેતા જીત્યા વિરુદ્ધ ક્રિષ્ણા જેઠવા 3-1 (6-11, 12-10, 11-6, 12-10).