કાયદા ના ઘર માં જ લોહીયાળ ખેલ! ભુજ સેશન્સ કોર્ટમાં દિવસે છરી વડે હુમલો, સુરક્ષા સામે સવાલો!

copy image

કચ્છ નું હૃદય કહેવાતી ભુજ સેશન્સ કોર્ટ આજે લોહીથી રંગાઈ! જૂની અદાવતના કારણે કોર્ટના પ્રાંગણમાં જ એક યુવક પર છરી વડે જીવલેણ હુમલો કરવામાં આવ્યો હોવાની ચકચારી ઘટના સામે આવી છે.

પ્રાપ્ત વિગતો અનુસાર, હુમલાખોરે યુવકના પેટમાં છરી ઝીંકી દીધી હતી. સૌથી ચોંકાવનારી વાત એ છે કે ઘટના સમયે DySP અને PI સહિતના ઉચ્ચ પોલીસ અધિકારીઓ કોર્ટ પરિસરમાં જ હાજર હતા!

પોલીસે તાત્કાલિક કાર્યવાહી કરી ઘાયલ યુવકને સારવાર માટે હોસ્પિટલમાં ખસેડ્યો છે.

જ્યાં ન્યાય મળે છે એ કોર્ટ જેવા સુરક્ષિત સ્થળે, પોલીસની હાજરીમાં જ જો આવો હુમલો થતો હોય તો સામાન્ય માણસ કેટલો સુરક્ષિત છે? ભુજની સુરક્ષા વ્યવસ્થા સામે ગંભીર સવાલો ઉભા થયા છે.

પોલીસે આ મામલે તપાસ શરૂ કરી છે. આરોપી કોણ છે અને અદાવત શું હતી એ જાણવા પાંજે કચ્છ જા વાવડ ગ્રુપ નજર રાખી રહ્યું છે.