સાડાઉ તા.મુંદરાની સ.નં.૨૭૧ પૈકીની જમીનમાં વાણિજય હેતુ માટે બનાવવામાં આવેલ વાડો

મુંદરા તાલુકાના મોજે:-સાડાઉ ની સરકારી સ.નં.૨૭૧ ના ક્ષેત્રફળ ૨૫૦૦ ચો.મી. સરકારી જમીનમાં થયેલ કોમર્શીયલ દબાણ બાબતે મામલતદારશ્રી મુંદરાના જ.મ.કા.ક.-૬૧ તળેની કાર્યવાહી હાથ ધરી રજુઆતની પૂર્ણ તક આપ્યા બાદ વાદગ્રસ્ત જમીનમાં દબાણ દુર કરવા બાબતનો હુકમ કરવામાં આવેલ. સદરહું દબાણ વાળી કુલ જમીન ૨૫૦૦ ચો.મી. જેની વાણિજ્ય હેતુ માટેની જંત્રી દર મુજબ કિંમત કુલ રૂ.૩૩,૬૫,૦૦૦/- (શબ્દોમાં અંકે રૂપિયા તેત્રીસ લાખ પાસઠ હજાર પુરા) થાય છે. સદરહું વાણિજ્ય હેતુના દબાણવાળી જમીન પર આજ તા.૧૯/૦૯/૨૦૨૬ રોજ શ્રી અનિલ રાણાવસીયા, મે.શ્રી કલેક્ટરશ્રી, કચ્છ-ભુજ અને શ્રી અભિષેક સિન્હા, મે.શ્રી પ્રાંત અધિકારીશ્રી મુંદરાના માર્ગદર્શન હેઠળ શ્રી કે.એસ.ગોંદિયા, મામલતદારશ્રી મુંદરાની ટીમ દ્વારા સ્થળ પર હાજર રહેતા સવાલવાળી જમીન પરનું ગેરકાયદેસર દબાણ દબાણકર્તાશ્રીઓ દ્વારા સ્વેચ્છાએ દુર કરવામાં આવેલ છે અને સદરહું દબાણ વાળી જમીનનો સરકાર પક્ષે કબ્જો લેવામાં આવેલ છે.