તાલુકાના મથલ ગામ પાસે ટ્રેલર અને પીકઅપ વાન વચ્ચે અકસ્માત થયો છે. આ અકસ્માતમાં બે મહિલાઓના ઘટના સ્થળે જ મોત થયા છે, જ્યારે એક પુરુષની હાલત ગંભીર છે હતભાગીઓ ભુજની રામનગરીમાં મેલડી માના મંદિર પાસે રહેતા દેવીપૂજક પરિવારના સભ્ય હોવાનું પ્રાથમિક તપાસમાં બહાર આવ્યું છે. બપોરે ધોધમાર વરસાદી વાતાવરણ વચ્ચે બોલેરો પીકઅપ જીપ અને ટ્રેલર વચ્ચે ગોઝારી ટક્કર થઈ હતી જેમાં આ દુર્ઘટના ઘટી છે. અકસ્માત એટલો ભયંકર હતો અમુક લોકોના અંગ ક્ષતવિક્ષત થઈ ગયા હતા. દુર્ઘટનામાં એક વ્યક્તિ ગંભીર રીતે ઘવાઈ છે અને તેને 108 મારફતે નખત્રાણા સામૂહિક આરોગ્ય કેન્દ્ર ખસેડાઈ હતી. મૃતકોમાં 20 વર્ષિય શંભુભાઈ પરમાર, 40 વર્ષિય રામુબેન પરમાર, 20 વર્ષિય જ્યોતિબેન પરમાર અને 35 વર્ષિય હિરૂબેન પરમારનો સમાવેશ થતો હોવાનું 108ના સૂત્રોએ જણાવ્યું છે. બનાવ અંગે વધુ સત્તાવાર વિગતોની રાહ જોવાય છે.
