મતિયા નગરમાં જાહેરમાં જુગાર રમતા છ સખસોની પોલીસે ધરપકડ કરી તેમની પાસેથી રોકડ રૂા. 2930 જપ્ત કર્યા હતા. અંજારના મતિયાનગર ગિરધર વાળંદના મકાન પાસે ઓટલા ઉપર અમુક ઇસમો પત્તાં ટીંચતા હોવાની પૂર્વ બાતમી પોલીસને મળી હતી. જેના આધારે પોલીસે અહીં છાપો મારી ગિરધારી’ જોગા વાળંદ, મુકેશ સોમજી મહેશ્વરી, બાબુ જીવા ઉમરાણિયા (સુથાર), ખીમજી રૂડા મઢવી, દેવકરણ ભૂરા આહીર અને મંગલ રવજી પરમારની ધરપકડ કરી હતી. આ શખ્સો પાસેથી રોકડ રૂા. 2930 તથા ચાર મોબાઇલ એમ કુલ રૂા. 13,930નો મુદામાલ હસ્તગત કરાયો હતો.’
