સામખિયાળી નજીક સિદ્ધિ વિનાયક પેટ્રોલ પમ્પ સામે આગળ રોડ ઉપર ઉભેલી ટ્રકમાં પાછળથી બાઇક ભટકાતાં બાઇક સવાર આસિબ મહેબૂબ રાઉમા નામના યુવાનનું કરૂણ મોત નીપજયું હતું. ભચાઉ સામખિયાળી ધોરીમાર્ગ ઉપર સિદ્ધિ વિનાયક પેટ્રોલ પમ્પની સામે ગત તા. 29-12નાં બપોરે અકસ્માત બનાવ બન્યો હતો. બાઇક નંબર જી.જે. 12 -ઇ-એ 0408 લઇને કંપનીના સ્પેર પાર્ટ લેવા ભચાઉ જઇ રહ્યો હતો દરમ્યાન રોડની વચ્ચે પાર્ક કરાયેલી ટ્રક નંબર આર.જે. 14-જી.એચ. 5981માં પાછળથી તેનું બાઇક ભટકાયું હતું. જેમાં તેને ગંભીર ઇજાઓ થતાં તેનું મોત થયું હતું. આ બનાવ અંગે અલ્તાફ સુલ્તાન રાઉમાએ પોલીસ મથકે ફરિયાદ નોંધાવી હતી.’
