નખત્રાણા તાલુકાના મંગવાલા અને જીયાપર ગામ વચ્ચે હાઇસ્કુલ પાસે પુરપાટ આવતી ટ્રકના ચાલકે સામેથી મોટર સાયકલ સાથે ધડકાભેર અકસ્માત કરતાં વીજપાસરના યુવકનું સ્થળ પર કમકમાટી ભુ મોત નિપજ્યું હતું. યુવાનના મોતથી તેમના પરિવારજનોમાં ગમગીની છવાઇ જવા પામી હતી.પ્રાપ્ત વિગતો મુજબ અકસ્માત નો બનાવ બુધવારે બપોરે એક વાગ્યાના અરસામાં બન્યો હતો. વીજપાસર ગામે રહેતા હરજીભાઇ કાનજીભાઇ સેથાણીયા (ઉ.૧.45) પોતાની મોટર સાયકલ જી.જે.12 ડીએલ 3228 પર જઇ રહયા હતા ત્યારે મંગવાણા જીયાપર નજીક હાસ્કુલ પાસે સામેથી યમદુત બનીને આવી રહેલી ટ્રક જી.જે.12 બીએક્સ 7250ના ચાલકે બાઇકને અડફેટે લેતાં બાઇક સવાર રોડ પર ફંગોળાઇ ગયો હતો જેને કારણે તેને ગંભીર ઇજાઓ થવાથી સારવાર કારગત થાય તે પૂર્વે સ્થળ પર શ્વાસ બંધ થઇ ગયો હતો. નખત્રાણા પોલીસે બનાવની નોંધ લઇ આરોપી ટ્રક ચાલક વિરૂષ ગુનો નોંધી આગળની કાર્યવાહી હાથ ધરી છે.
