પૂર્વ કચ્છમાં જુદી-જુદી જગ્યાએથી 25 દ્વિચક્રી વાહનની ચોરી કરનારા રાપર તાલુકાના કાનમેર ગામના એક શખ્સની પોલીસે ધરપકડ કરી હતી. આ શખ્સ પાસેથી 25 વાહન જપ્ત કરવામાં આવ્યાં હતાં. આ પ્રકરણમાં અન્ય શખ્સોની પણ સંડોવણી હોવાનું ખુલ્યું હતું. રાપરના કાનમેરનાં રહેનારો મહેશ ઉર્ફે ગુંડો રામુ વાઘેલા નામનો શખ્સ છેલ્લા એકાદ વર્ષથી ગાંધીધામ વિસ્તારમાંથી વાહનોની ઉઠાંતરી કરી આ વાહનો પોતાના પ્રાંગણમાં રાખતો હોવાની પૂર્વ બાતમી સ્થાનિક આડેસર પોલીસને મળી હતી, જેના આધારે પોલીસે આ શખ્સના ઘરની તલાશી લેતાં તેના ઘરના આંગણામાંથી દ્વિચક્રી વાહનો મળી આવ્યાં હતાં.
