ફર્નિચરના ગોડાઉનમાં જુગાર રમતા ચાર ખેલી પકડાયા

જેષ્ટાનગરના ગણેશચોકમાં ફર્નિચરના બંધ ગોડાઉનમાં પોલીસે બાતમીના આધારે શનિવારે સાંજે દરોડો પાડીને ચાર ખેલીઓને 14,400ની રોકડ તથા 7 હજારના ત્રણ મોબાઇલ સહિત 21,400ના મુદામાલ સાથે ઝડપી લીધા હતા.જ્યારે એક 17 વર્ષીય કિશોર પણ જુગાર રમતા હાથે ચડ્યો હતો.જયશક્તિ ફર્નિચરના જુના બંધ ગોડાઉનમાં દરોડો પાડ્યો હતો. જેમાં ધાણી પાસાના જુગાર રમી રહેલા મહાદેવભારથી જયેશભારથી ગુસાઇ (ઉ.વ.20), ઉમિયાશંકર શાંતિલાલ ગોર (ઉ.વ.44), જીગર શંકરભાઇ ઠકકર (ઉ.વ.22), અને હાર્દિક પરેશભાઇ ઠકકર (ઉ.વ.18) ચાર જણાઓ તેમજ એક 17 વર્ષીય કિશોર રહે તમામ જેષ્ટાનગર ગણેશચોકવાળાઓનેઝડપી પાડાયા હતા.