ટિકટોક સ્ટાર શિવાનીની તેના મિત્રએ જ ગળું દબાવી કરી હત્યા: સલૂનમાંથી મળી આવી લાશ

સોનીપત : હરિયાણાના સોનીપત જિલ્લામાં એક હચમચાવી દેતી ઘટના સામે આવી છે. જિલ્લાના કુંડલી ક્ષેત્રમાં ટિકટૉક સ્ટાર શિવાની ની ગળું દબાવીને હત્યા કરી નાખવામાં આવી છે. હત્યાનો આરોપ કુંડલીમાં રહેતા આરિફ પર લાગ્યો છે. આરોપી શિવાની ના મૃતદેહને સલૂન માં રહેલા બેડમાં નાખીને ભાગી ગયો હતો. જ્યારે મૃતકની બહેને બેડ ખોલ્યો હતો ત્યારે તેને તેમાંથી મૃતદેહ મળી આવ્યો હતો. જે બાદમાં પરિવારના લોકોએ પોલીસને જાણ કરી હતી. પોલીસે જણાવ્યું કે શિવાની ખોબિયાન કુંડલીમાં ટચ એન્ડ ફેર નામે સલૂન ચલાવતી હતી. ટિકટોક પર તેના એક લાખથી વધારે ફોલોઅર્સ હતા. શિવાનીની બહેને શ્વેતાના જણાવ્યા પ્રમાણે 26 જૂનના રોજ આરિફ શિવાનીને મળવા તેના બ્યૂટી પાર્લરમાં આવ્યો હતો. ખૂદ શિવાનીએ ફોન પર શ્વેતાને આ વાત કહી હતી. એ રાત્રે શિવાની ઘરે આવી ન હતી. જે બાદમાં શ્વેતાઓ શિવાનીના ફોન પર એક મેસેજ કરીને તે ક્યાં છે તેના વિશે પૂછપરછ કરી હતી. શિવાનીના ફોનમાંથી જવાબ આવ્યો હતો કે તેણી હરિદ્વાર આવી છે, અને મંગળવારે પરત આવશે. આ ઘટનાના બે દિવસ પછી શ્વેતા તેના મિત્ર નીરજ સાથે બ્યૂટી પાર્લર પહોંચી હતી. બ્યૂટી પાર્લર ખોલતા અંદરથી દુર્ગંધ આવી રહી હતી. નીરજે બ્યૂટી પાર્લર અંદર રહેલી બેડ ખોલી તો તેમાંથી શિવાનીની લાશ મળી હતી. શિવાનીના પિતા વિનોદની ફરિયાદ બાદ પોલીસે આરિફ સામે હત્યાની  ફરિયાદ દાખલ કરી છે.