લતીપર ગામે સરકારી ક્વાર્ટરને નિશાન બનાવી 89 હજારની ચોરી કરતા તસ્કરો

ધ્રોલ તાલુકા નજીક આવેલ લતીપર ગામે સરકારી દવાખાના કવાટર્સ નં-પ રહેતા અને અહીં જ નોકરી કરતા જીજ્ઞાબેન શંકરલાલ દવે નામના મહિલા બે દિવસ પૂર્વે પોતાના ક્વાટર ખાતેના મકાનને તાળા મારી પોતાના પુત્ર જ્યાં રહે છે તે મકાને સુવા માટે ગયા હતા. પોતાના ઘરને તાળું મારીને પી.એચ.સી. સેન્ટરમા પોતાના દિકરા સાથે રાત્રિના અરસામાં સુવા ગયેલ અને ત્યારબાદ સવારના અરસામાં ઉઠીને પોતાના ઘરે (ક્વાર્ટર) જતા ત્યા દરવાજામા તાડુ નકુચામાંથી તૂટેલ હોવાનું સામે આવ્યું હતું.અજાણ્યા તસ્કરો બારણુ ખોલી ક્વાર્ટરમા (ઘરમાં)રાખેલ કબાટના લોક તોડી અંદરથી રૂપિયા સાડા છ હજારની કિંમતની સોનાનો ઢોલ ચડાવેલ ચાર બંગડીઓ તથા પોણા તોલા વજનની રૂપિયા 18,500 ની કીમતની સોનાની બે વીટી તથા રૂપિયા 40 હજારની કીમતના બે તોલા વજનના વજનનું સોનાનુ પેન્ડલ સેટ જેમા ચેન તથા બે બુટી મળી તેમજ રૂ.દસ હજારની રોકડ ઉપરાંત ચાંદીનો કંદોરો જેની કિ.રૂ.7,000 તથા ચાંદીના સાકરા એક જોડી જેની રૂ.2,500 તથા ચાંદીનો ચેઇન જેની રૂ.3500 તથા ચાંદીની લક્કી જેની કિ.રૂ.1500 સહિત રૂ.89,500ના મુદ્દામાલની તસ્કરી થવા પામી હતી, જે અંગે પોલીસે ફરિયાદ નોંધીને આગળની તજવીજ શરૂ કરી છે. લતીપુર ગામે કવાર્ટરમાં માતબર માલમત્તાનો હાથફેરો કરી નાસી ગયેલા તસ્કરોના સગડ મેળવવા માટે પોલીસે જુદી જુદી દિશામાં તપાસ આરંભી છે.